Тываның күрүне университединиң Көдээ ажыл-агый факультединиң өөредилге төвүнде мал оолдашкыны эгелей берген
Мал оолдашкыны
2 чыл бурунгаар 2021 чылдың октябрь айда Тываның күрүне университеди кыштаан тудуп эгелей берген. Амгы уеде кыштагда бажың болгаш 500 шээр малды тудар кажааны кылган. База бо уеде 200 баш шээр малды кыштагда өстуруп азырап турар.
Тываның күрүне университединиң көдээ ажыл-агый факультединиң улуг башкызы Ондар Галина Ким-ооловна, сургуулдарга кыштагда бүдүрүлге практиказын эртирип, сургуулдарны мал төрулгезинге болгаш оон-даа оске мергежилдерге өөредип турар.
Бо хүнде ниити шээр малдың баш санының 80% төрүп эгелей берген. Хураганнар онча-менди өзүп доругуп турар. Оларны өстүреринге улуг дузаны 3-кү курстун зоотехник мергежилиниң кызымакай сургуулдары киирип турар. Амгы уеде сургуулдар мал-маганны сыкыртып эмнээринге, эмекейлеп болгаш иезинге тудуп эмзиреринге, өдекти арыглап аштаарынга база идепкейлиг дузалажып турар.
«Көдээ ажыл-агый яамызынга улуу-биле четтиргенивисти илередип турар бис, чүге дизе оларның белекке берген хүн-биле ажылдаар электри чырыы бисте бо хүнде үргүлчү ажылдап турар» деп Галина Ондар демдеглээн.
