Чаа-Хол кожуунуң Наадымынга тураскааткан кожуун чергелиг тергиин сиген кезикчизи деп мөөрейни кожуунуң Чагыргазы организастап эртирген
Август-8-те Ак-Дуруг сумузунуң Улуг-Хову деп черге Кожуунуң Наадымынга тураскааткан кожуун чергелиг тергиин сиген кезикчизи деп мөөрейни кожуунуң Чагыргазы организастап эртирген. Аңаа ниитизи-биле 4 сумудан 19 киржикчи күжүн шенежип мөөрейлешкен. Эр хиндиктиг улус аразынга узуну 50 метр дооразы 3 метр шөлдү 8 минут 37 секунда дургузунда кескеш Чаа-Хөл сумузунуң төлээзи Шөмбүл Орлан Байыр-оолович 1-ги черни бүзүрелдии биле алган. 2-ги черни Кызыл-Даг сумузунуң төлээзи Шактар Арслан Сергеевич ол-ла шөлдү 10 минут 20 секундагга кескеш алган. 3-кү черни ол-ла хемчээлге Кызыл-Даг сумузунуң төлээзи Кыргыс Кара-оол Доржуевич 10 минут 28 секунда дургузунда кескеш алган. 4-кү черни Шаңчы сумузунуң төлээзи Даңгыт-оол Мерген Данилович ол-ла хемчээлге 11 минут 17 секунда дургузунда кескеш алган. Тиилелгеже чүткүл дээш Чаа-Хөл сумузунуң төлээзи Токаш-оол Радомир Маадыр-ооловичти шаңнаан. Мөөрейниң эң-не улуг назылыг киржикчизи Докмит Валерий Орус-ооловичини база эң-не бичии назылыг Сапык Орлан Вадимовичини тускай шаңналдар биле шаңнаан. Херээжен улус аразынга узуну 25 метр дооразы 3 метр шөлдү Кызыл-Даг сумузунуң төлээзи Натпит Урана Түлүшовна 4 минут 55 секунда дургузунда кескеш бүзүрелдии биле 1-ги черни чаалап алган. 2-ги черни ол-ла хемчээлге база-ла Кызыл-Даг сумузунуң төлээзи Натпит Марта Мерген-ооловна 5 минут 48 секунда дургузунда кескеш алган. 3-кү черни ол-ла хемчээлге Чаа-Хөл сумузунуң төлээзи Седипбей Урана Николаевна 7 минут 30 секунда дургузунда кескеш чаалап алган. Дараазында чуруктар бадыткап тур!
