Тываның көдээ ажыл-агый яамызының делегациязы Улуг-Хем, Чаа-Хөл кожууннарның чурттакчылары-биле ужурашкан
Республиканың Баштыңы Владислав Товарищайович Ховалыгның салган даалгаларын күүседири-биле Тываның көдээ ажыл-агый болгаш аъш-чем яамызының делегациязы, сайыттың хүлээлгелерин күүседип турар Айдыс Кууларның удуртулгазы-биле Улуг-Хем болгаш Чаа-Хөл кожууннарның көдээ суурлар чурттакчылары-биле сырый харылзааны быжыктырып, тайылбыр ажылын чорудар сорулга-биле четкен.
Олар ноябрь 4-те чагырга черлеринге тараачыннар, малчыннар-биле ужуражып, «Хойжу» төлевилели, Тываның социал-экономиктиг хөгжүлде программазының амгы болгаш келир үеде сорулгалары, «Сүт фермазы» төлевилели, суггарылга системаларын чаартырының аргалары коруп, үрезин курлавырын тургузары дээш өске-даа айтырыгларны чугаалашкан. Ылаңгыя «Хойжу» төлевилели көдээ ишчилерниң улуг сонуургалын оттурган, дыка хөй малчыннар аңаа киржир күзелин илереткен. Олар боттарының дүвүрели-биле база үлешкен, чидиг айтырыгларның бирээзи - малдың хайгаарал чокка оъттаар чоруктан тарып каан үнүштерни камгалаары. Яамының удуртулгазы электри херимнериниң эки болгаш багай талаларын база тарылга шөлдерин херимнеп алырынга деткимче кадарының аргаларын өөренип чугаалашкан.
«Чер болгаш күш-ажыл – бай-шыырак болурунга херек чүүлдер ол-дур» - деп, Айдыс Куулар ужуражылгалар соонда демдеглээн. – Черлер бисте хөй, ам чүгле кады демниг ажылдаар ужурлуг бис.
Бо ажыл республиканың шупту кожууннарынга уламчылаар».
.......................................
Делегация Минсельхоза Тувы провела встречи с жителями Улуг-Хемского и Чаа-Хольского кожуунов.
С целью реализации задач, поставленных Главой республики, Владиславом Товарищтайовичем делегация министерства сельского хозяйства и продовольствия Республики Тыва во главе с исполняющим обязанности министра Айдысом Кууларом посетили Улуг-Хемский и Чаа-Хольский кожууны для создания тесной работы с жителями сельских территорий. 4-го ноября в администрациях встретились с фермерами и рассказали о проекте «Хойжу», перспективах программы ИПСЭР, проекте «Молочная ферма», возможностях развития оросительных систем и создания семенного фонда.
Особенно оживлённо на встречах обсуждали «Хойжу» — многие участники встречи заинтересовались проектом и возможностью присоединиться к нему. Многие фермеры поделились своими наболевшими проблемами и одним из них это сохранение посевов от сельхоз животных, находящихся на бесконтрольном выгуле. Изучили плюсы и минусы электропастуха и варианты поддержки при ограждении посевных площадей.
«Земля и труд, вот что нам нужно для богатства" отметил Айдыс Куулар по итогам встреч. Земли у нас много и остаётся нам только всем дружно трудиться. Работа продолжится во всех кожуунах республики.