Тыва Республиканың Чазааның оралакчызы Алик Монгуштүң удуртулгазы-биле ажылчын бөлук Кызыл кожуунче мал тарылгазы база малдын демдектээр ажылын кылыр дээш четкен
Мал тарылгазы база малдын демдектээр ажылы
Тыва Республиканың Чазааның оралакчызы Алик Монгуштүң удуртулгазы-биле ажылчын бөлук Кызыл кожуунче мал тарылгазы база малдын демдектээр ажылын кылыр дээш четкен
Көдээ ажыл-агый болгаш аъш-чем яамызын ажылдакчылары, мал эмчилери болгаш кожууннуң көдээ ажыл-агый килдизиниң ажылдакчылары-биле Кызыл кожууннуң Ээрбек сумузунуң малчыннары Дурген-оол, Саяна Канданнарның аалынга баргаш малдың тарылгазы, ханын алыры база демдектээр ажылды чоруткан.
Малдың тарылгазы чараалаар аарыг (ящур), сибирь язвазынга удур чоргустунуп турар. Амгы уеде республикада 66 386 бода мал, 182 340 шээр мал болгаш 12 289 аът тарылганы алган.
Россияның Федералдыг ветеринарлыг мал маган хайгаараар албан чериниң тускай тургускан программа(ФГИС «Хорриот») ёзугаар мал маганны демдектээш, данзылап, чизелээр ажыл республиканын девискээринде чоруттунуп турар. Амгы уеде ФГИС «Хорриотта» чизелетинген мал бажы:
- 287 аът;
- 5841 бода мал;
- 47 сарлык;
- 8 сыын;
- 7 теве;
- 3381 шээр мал.
Ниити республиканың мал тарылгазы болгаш малдың демдектээрин мал эмчилери март айдан тура кожуун бүрүзүнде эгелей берген. Мал демдеглээшкинин болгаш мал тарылгазын сентябрь айның тончузунге дээр доостуна бээрин кызыдып мал эмчилери ажылын чорудуп турар.
Ниити Тываның иштинге көдээ ажыл-агыйга хамаарышкан мал маганның тарылгазы база демдектээр ажылын чорузарынга болгаш мал эмчилеринге дузалажыыры-биле кожуун төптеринде ажылчын бригадаларны тургускан. Кожуун чагырга черинин айтыышкыны-биле.